O grupo de investigación Laboratorio de Bioenxeñaría e Cronobioloxía, integrado no centro atlanTTic, dedícase ao desenvolvemento e a aplicación de metodoloxía estatística e de procesado de sinal para, cun enfoque eminentemente práctico e clínico, mellorar a saúde das persoas.

Para iso, ao longo de máis de 30 anos, liderou proxectos e traballos de investigación en áreas como o envellecemento, a epidemiología, a oncoloxía, a farmacoloxía, a endocrinoloxía ou o desenvolvemento de novos métodos de análises de datos.

Liñas de investigación

• Cronobioloxía e cronoterapia.
• Diagnóstico de hipertensión.
• Avaliación de riscos cardiovascular, metabólico e renal.
• Avaliación de tratamentos antihipertensivos.
• Detección precoz de pre-eclampsia.