Que necesito para participar?
– Ser estudante das escolas de Enxeñaría de Telecomunicación, Minas, Enerxías ou Industriais.
– Ordenador persoal con conexión a Internet.
– Coñecementos mínimos de Python.
– Equipo entre 2 e 5 persoas.
– Ganas de aprender cousas novas.
📆📍O evento celebrarase o mércores 23 de marzo na Escola de Enxeñaría de Telecomunicación; o acto de benvida será no Salón de Actos.
O reto consiste en completar un circuíto de condución mediante o control remoto dun coche a través da rede 5G de Orange. A condución basearase nas imaxes de vídeo capturadas e retransmitidas polo propio vehículo en tempo real a través da rede 5G.
– 9:00 a 9:30: formación nas ferramentas de visión artificial.
– 9:30 a 13:00: xornada de desenvolvemento das aplicacións de visión artificial por parte dos equipos.
– 13:00 a 15:00: revisión por parte do equipo de organización dos códigos subidos polos equipos participantes.
– 16:00 a 19:30: competición (detección dos puntos de verificación opcionais e zona de xogo).
Haberá comida e bebida gratis para todas as persoas participantes, que non todo vai ser traballar!
Inscricións
O prazo de inscricións permanecerá aberto ata o martes 22 de marzo de 2022 ás 23:59 na web Hackathon 5G UVigo.
