Universidade de Vigo

Nove anos avaliando os progresos do alumnado do programa de doutoramento internacional DocTIC

57 estudantes dos 73 matriculados este curso participaron este venres na xornada DocTIC, que desde hai nove anos se celebra na Escola de Enxeñaría de Telecomunicación da UVigo co obxectivo de avaliar o progreso dos traballos do alumnado do programa de doutoramento. “A xornada ten unha gran aceptación e constitúe xa un dos eventos máis esperados entre investigadores de atlanTTic, converténdose nun dos ‘eventos tradicionais’ desta escola”, recoñece o docente e investigador da UVigo e coordinador de DocTIC, Manuel García Sánchez, que destaca que a celebración deste encontro permite avaliar un gran numero de estudantes e facer suxestións que melloran o seu traballo de investigación. “Acadamos os obxectivos que perseguimos e isto é moi positivo”, asegura.

Con máis dun 50% de estudantes estranxeiros, o que segundo os seus promotores é un recoñecemento internacional moi importante, o programa DocTIC acadou una media de 70 alumnas e alumnos matriculados, “ademais de lograr o ano pasado a re-acreditación do programa, o que indica que imos polo bo camiño e podemos seguir progresando”, sinala Manuel García.

Seguir lendo no DUVI