\n
![\"\"](\"https:\/\/atlanttic.uvigo.es\/wp-content\/uploads\/2021\/12\/FEDER_Footer_2021.png\")
<\/p>\nO sector enerx\u00e9tico mundial at\u00f3pase nun proceso de profunda transformaci\u00f3n con dous retos fundamentais. Por unha banda, achegar a electricidade aos 1000 mill\u00f3ns de persoas que a\u00ednda carecen dela e aos 3000 mill\u00f3ns de persoas que empregan combustibles contaminantes e, por outra, desenvolver as fontes renovables de enerx\u00eda. Ambos restos est\u00e1n integramente ligados, xa que os custes marcadamente m\u00e1is baixos da enerx\u00eda limpa contrib\u00faen no proceso de axudar aos pa\u00edses a desenvolver sistemas enerx\u00e9ticos modernos e seguros.<\/p>\n
Neste contexto enm\u00e1rcase a tese de doutoramento de Javier Bernardo Cabrera, que se centra en propo\u00f1er soluci\u00f3ns para reducir as perdas de potencia das redes el\u00e9ctricas intelixentes empregando para isto a teor\u00eda de xogos colaborativos. Segundo explica, varios estudos soste\u00f1en que en 2040 a demanda total de enerx\u00eda no mundo incrementarase nun 30% e a maior parte deste consumo proceder\u00e1 de pa\u00edses en v\u00edas de desenvolvemento. Respecto \u00e1 orixe da enerx\u00eda, actualmente o 23% da electricidade consumida procede de fontes renovables, pero ag\u00e1rdase que en 20 anos sexa o 37%, particularmente de xeraci\u00f3n e\u00f3lica e solar. O investigador apunta que neste proceso cara unha contorna renovable, \u201cas tecnolox\u00edas disruptivas, como as redes intelixentes, os medidores intelixentes e os sistemas de datos xeoespaciais est\u00e1n a transformar a planificaci\u00f3n enerx\u00e9tica\u201d.<\/p>\n
Esta xesti\u00f3n enerx\u00e9tica intelixente ten como principais caracter\u00edsticas a xesti\u00f3n do lado da demanda e o intercambio de enerx\u00eda a grande escala. As\u00ed, \u201cos mecanismos de xesti\u00f3n de enerx\u00eda na rede intelixente deben tratar cunha complexa rede de enerx\u00eda din\u00e1mica, composta por compa\u00f1\u00edas de servizos p\u00fablicos, fontes de enerx\u00eda tradicionais, as\u00ed como novos dispositivos de propiedade do cliente, como unidades de almacenamento, coci\u00f1as de induci\u00f3n ou veh\u00edculos el\u00e9ctricos\u201d. Neste sentido, Javier Bernardo Cabrera traballou no dese\u00f1o de novos mecanismos de xesti\u00f3n enerx\u00e9tica que representen adecuadamente as decisi\u00f3ns e os procesos de control do lado de clientes e empresas de servizos p\u00fablicos na rede intelixente.<\/p>\n
Explica que ata o de agora houbo importantes avances na xesti\u00f3n do lado da demanda de enerx\u00eda, integraci\u00f3n de unidades de almacenamento e ideas relacionadas, pero o enfoque principal dos traballos foron os conceptos cl\u00e1sicos da teor\u00eda de xogos, como os xogos non cooperativos. Estes non consideran o comportamento do usuario no mundo real e o seu impacto na operaci\u00f3n da rede intelixente e dos mercados enerx\u00e9ticos, por iso el aposto por empregar a teor\u00eda de xogos colaborativa.<\/p>\n
Subli\u00f1a que \u201ca maior\u00eda dos modelos existentes bas\u00e9anse na suposici\u00f3n ideal de que os clientes da rede\u201d toman decisi\u00f3n de xeito racional, pero existen contextos nos que isto non sucede. Por exemplo, cando as compa\u00f1\u00edas el\u00e9ctricas ofrecen tarifas de discriminaci\u00f3n horaria, as persoas usuarias non sempre poden adaptar o seu comportamento a estas franxas, \u201ccomo nun caloroso d\u00eda de ver\u00e1n, no que os clientes non poden permitir que a compa\u00f1\u00eda el\u00e9ctrica reduza o seu uso de aire acondicionado durante as horas pico\u201d. En consecuencia, recalca, \u201cexiste a necesidade de desenvolver un marco innovador que capture o comportamento realista do usuario durante a administraci\u00f3n de enerx\u00eda, tendo en conta os beneficios e custes asociados entre os clientes e a rede el\u00e9ctrica\u201d.<\/p>\n
As\u00ed, a s\u00faa investigaci\u00f3n presenta un avance\u00a0\u201ccara un modelo eficiente de enerx\u00eda a trav\u00e9s da aplicaci\u00f3n da teor\u00eda de xogos cooperativos a nivel da xesti\u00f3n enerx\u00e9tica, as\u00ed como o control dos recursos enerx\u00e9ticos distribu\u00eddos integrados para brindar soluci\u00f3ns enerx\u00e9ticas \u00f3ptimas que permitan o logro de importantes aforros en custes e permitindo unha diminuci\u00f3n das perdas de potencia\u201d, que no seu modelo \u201c\u00e9 un valor aproximado do 35%\u201d.<\/p>\n
A tese foi realizada no marco de atlanTTic e complementada con estad\u00edas de investigaci\u00f3n internacional no Laboratorio de Simulaci\u00f3n en Tiempo Real do Centro de Investigaci\u00f3n, Innovaci\u00f3n y Transferencias de Tecnolog\u00eda (CIITT) da Universidad Cat\u00f3lica de Cuenca (Ecuador). Os seus resultados e as publicaci\u00f3ns cient\u00edficas xeradas permitiron presentar novos mecanismos de xesti\u00f3n enerx\u00e9tica que representen adecuadamente as decisi\u00f3ns e os procesos de control do lado de clientes e empresas de servizos p\u00fablicos na rede intelixente.
\n<\/p>\n