Xurdido a partires do traballo de I+D iniciado hai 15 anos no Grupo de Tecnolox\u00edas Multimedia da Universidade de Vigo, o software de visi\u00f3n artificial da spin-off da instituci\u00f3n acad\u00e9mica relEYEble converteuse neste 2020 nun dos ga\u00f1adores dos Premios de Transferencia Tecnol\u00f3xica en Galicia. Promovidos pola Real Academia Galega de Ciencias (RAGC), coa colaboraci\u00f3n da Axencia Galega de Innovaci\u00f3n da Xunta de Galicia (Gain), o xurado destes galard\u00f3ns valorou especialmente a capacidade desta empresa, impulsada polo profesor Jos\u00e9 Luis Alba e os egresados da Escola de Enxe\u00f1ar\u00eda de Telecomunicaci\u00f3n Manuel Ubeira e Elisardo Gonz\u00e1lez, para adaptar \u201cde xeito moi \u00e1xil\u201d a s\u00faa tecnolox\u00eda \u00e1s necesidades xurdidas da crise da covid-19. Capaz de medir as audiencias de soportes publicitarios como carteis dixitais e rexistrar as acci\u00f3ns de cada persoa, o sistema de procesado dixital de imaxes galardoado co premio Ricardo Bescansa Mart\u00ednez como mellor caso de \u00e9xito empresarial de transferencia de tecnolox\u00eda ofrece agora tam\u00e9n aos establecementos comerciais a posibilidade de recibir alertas en tempo real cando os clientes non leven posta a m\u00e1scara ou non respecten a distancia de seguridade.<\/p>\n
Estes premios, que se entregar\u00e1n o 14 de xullo, contan cunha dotaci\u00f3n econ\u00f3mica de 6000 euros en cada unha das s\u00faas categor\u00edas e est\u00e1n dirixidos a reco\u00f1ecer as mellores pr\u00e1cticas de transferencia de co\u00f1ecemento procedente de organismos de investigaci\u00f3n ao tecido produtivo, segundo informou a organizaci\u00f3n. Nese senso, Alba reco\u00f1ece sentirse orgulloso \u201cdo reco\u00f1ecemento dunha entidade tan prestixiosa para o mundo acad\u00e9mico\u201d e de que \u201cunha comisi\u00f3n onde hai xente que sabe moito de crear empresas a partires de resultados de I+D e do dif\u00edcil \u00e9 que estas sobrevivan m\u00e1is de tres anos\u201d, valore o traballo desenvolvido desde reEYEble, outorg\u00e1ndolle un premio que en 2019 obti\u00f1a outra spin-off da insitituci\u00f3n acad\u00e9mica, Al\u00e9n Space. \u201cA Universidade de Vigo ten moito m\u00e1is potencial do que realmente se ve para transferir resultados de I+D ao mercado\u201d, salienta o profesor do Departamento de Teor\u00eda do Sinal e Comunicaci\u00f3ns e investigador de AtlanTTic, para quen \u00e9 \u201cunha obriga tratar que a nosa I+D se transfira dunha forma m\u00e1is directa ao tecido socioecon\u00f3mico\u201d. <\/p>\n