{"id":263541,"date":"2022-11-22T13:15:01","date_gmt":"2022-11-22T12:15:01","guid":{"rendered":"https:\/\/atlanttic.uvigo.es\/en\/?p=263541"},"modified":"2023-09-21T12:39:26","modified_gmt":"2023-09-21T10:39:26","slug":"mais-dun-cento-de-persoas-visitaron-atlanttic-durante-a-xornada-de-portas-abertas","status":"publish","type":"post","link":"https:\/\/atlanttic.uvigo.es\/en\/2022\/11\/mais-dun-cento-de-persoas-visitaron-atlanttic-durante-a-xornada-de-portas-abertas\/","title":{"rendered":"M\u00e1is dun cento de persoas visitaron atlanTTic durante a Xornada de Portas Abertas"},"content":{"rendered":"

\"\"<\/p>\n

M\u00e1is dun cento de persoas participaron na xornada de portas abertas do Centro de Investigaci\u00f3n en Tecnolox\u00edas de Telecomunicaci\u00f3n da Universidade de Vigo, atlanTTic, que tivo lugar o pasado venres 18. \u201cConecta con atlanTTic\u201d foi o lema escollido para a xornada, unha actividade celebrada no marco do programa Divulgando Ciencia Singular. As persoas que asistiron \u00e1 Escola de Enxe\u00f1ar\u00eda de Telecomunicaci\u00f3n, onde se sit\u00faa o Centro, puideron co\u00f1ecer de preto proxectos recentes e xa consolidados, e tam\u00e9n visitar alg\u00fans dos laboratorios, da man do propio persoal investigador.<\/p>\n

Comunicaci\u00f3ns 5G, aplicaci\u00f3ns accesibles, patrimonio 4.0, comunicaci\u00f3ns \u00f3pticas ou intelixencia artificial, sa\u00fade e educaci\u00f3n dixital, entre outras, son algunhas das principais li\u00f1as de traballo entorno \u00e1s que se centraron os proxectos presentados nun total de once stands. LifeTEC foi o proxecto presentado no tocante a radar e xeolocalizaci\u00f3n, unha iniciativa que pretende loitar contra os lumes forestais mediante o emprego de tecnolox\u00edas de telecomunicaci\u00f3n. No eido das comunicaci\u00f3ns 5G, as persoas asistentes puideron co\u00f1ecer as aplicaci\u00f3ns \u00e1 vida coti\u00e1 que poden ter un dron, un veh\u00edculo teledirixido e un robot cuadr\u00fapede, e o funcionamento deste \u00faltimo en directo. SignaMed foi proxecto presentado de intelixencia artificial, o primeiro dicionario biling\u00fce de lingua de signos que permite consultar signos do eido m\u00e9dico cunha a webcam, que as e os visitantes puideron intentar imitar alg\u00fan deles ante a m\u00e1quina. Tam\u00e9n puideron probar Panoramix, unha serie de xogos cognitivos para tabletas que permiten facer unha detecci\u00f3n temper\u00e1 de deterioro cognitivo en persoas maiores mediante t\u00e9cnicas de aprendizaxe autom\u00e1tico. No campo das apps accesibles d\u00e9ronse a co\u00f1ecer talkaactive e BEA, unha ferramenta para axudar a persoas que sofren Trastorno do
\nEspectro Autista no terreo laboral e un chatbot de acompa\u00f1amento a persoas maiores, respectivamente.<\/p>\n

Seguindo cos obradoiros da xornada, Litterdrone e BEWATS foron os proxectos presentados na \u00e1rea da observaci\u00f3n da Terra, que permiten a teledetecci\u00f3n de lixo mari\u00f1o mediante o voo de drones, outro dos stands nos que se amosou unha destas aeronaves non tripuladas. Para o patrimonio 4.0 deuse a co\u00f1ecer a app rurAllure, que facilita \u00e1s peregrinas e peregrinos a planificaci\u00f3n das s\u00faas viaxes atendendo a preferencias culturais e ofrecendo contidos audiovisuais para enriquecer a s\u00faa experiencia. Na xornada estivo tam\u00e9n a asociaci\u00f3n estudantil UVigo Spacelab, ensinando maquetas e presentando as s\u00faas misi\u00f3ns espaciais, BIXO a m\u00e1is recente delas. No obradoiro de Detectives de imaxes a xente puido co\u00f1ecer o funcionamento da ferramenta de an\u00e1lise de imaxe Fawrensian, que permite detectar posibles manipulaci\u00f3ns. Finalmente, no eido da educaci\u00f3n dixital present\u00e1ronse unha plataforma que facilita as tarefas de avaliaci\u00f3n aos e \u00e1s docentes (BeA) e o lightboard, un taboleiro de cristal que permite un ensino m\u00e1is transparente de cara ao alumnado.<\/p>\n

Visitas guiadas aos laboratorios<\/h2>\n

Ademais do percorrido polos stands dos proxectos realiz\u00e1ronse tres visitas guiadas dirixidas polo propio persoal investigador. Este ano foi a primeira vez que as e os asistentes puideron achegarse ao laboratorio de fot\u00f3nica, onde puideron ver de preto un chip fot\u00f3nico, tocar un cable de fibra \u00f3ptica e descubrir en trazos xerais o seu funcionamento. O laboratorio de seguimento de sat\u00e9lites abriu as s\u00faas portas de novo, onde o seguimento se pode facer en t\u00f3dalas s\u00faas etapas dende o seu lanzamento e se reciben datos a tempo real. A \u00faltima visita dos laboratorios foi ao de ac\u00fastica, coa que as e os asistentes puideron comprobar que se escoita baixo o mar, mergullarse nunha c\u00e1mara semianecoica e nunha sala de reverberaci\u00f3n. Unha xornada chea de experiencias que puido desfrutar todo o p\u00fablico asistente de t\u00f3dalas idades.<\/p>\n