{"id":287803,"date":"2024-05-30T13:04:00","date_gmt":"2024-05-30T11:04:00","guid":{"rendered":"https:\/\/atlanttic.uvigo.es\/?p=287803"},"modified":"2024-06-03T13:08:50","modified_gmt":"2024-06-03T11:08:50","slug":"persoal-investigador-de-atlanttic-desena-ferramentas-tecnoloxicas-de-deteccion-tempera-do-deterioro-cognitivo","status":"publish","type":"post","link":"https:\/\/atlanttic.uvigo.es\/en\/2024\/05\/persoal-investigador-de-atlanttic-desena-ferramentas-tecnoloxicas-de-deteccion-tempera-do-deterioro-cognitivo\/","title":{"rendered":"Persoal investigador de atlanTTic dese\u00f1a ferramentas tecnol\u00f3xicas de detecci\u00f3n temper\u00e1 do deterioro cognitivo"},"content":{"rendered":"\n
\"\"<\/figure>\n\n\n\n

O Centro de Investigaci\u00f3n en Tecnolox\u00edas de Telecomunicaci\u00f3n da Universidade de Vigo, atlanTTic, celebrou nas \u00faltimas horas a xornada\u00a0Intelixencia Artificial e detecci\u00f3n temper\u00e1 de doenzas neuropsiqui\u00e1tricas en persoas maiores<\/em>, na que se presentaron os resultados do proxecto de investigaci\u00f3n SAPIENS (Services & Applications for Healthy Ageing<\/em>)<\/a>. Financiado polo Ministerio de Ciencia e Innovaci\u00f3n, coordinado por atlanTTic e coa participaci\u00f3n da Universidade de Santiago de Compostela, no proxecto tomaron parte 13 investigadores e investigadoras, que contaron coa colaboraci\u00f3n de diversas asociaci\u00f3ns e centros de maiores como AFAGA (Asociaci\u00f3n de Familiares y Enfermos de Alzh\u00e9imer y otras Demencias de Galicia), o Centro de d\u00eda Parque Castrelos, o Centro Veci\u00f1al e Cultural de Valladares e o Coro Senior da UVigo.\u00a0<\/p>\n\n\n\n

Na apertura da xornada participaron Bel\u00e9n Rubio Armesto, vicerreitora de Investigaci\u00f3n, Transferencia e Innovaci\u00f3n da Universidade de Vigo e Mart\u00edn Llamas Nistal, director de atlanTTic e integrante do equipo de investigaci\u00f3n do proxecto, que presentou ademais de SAPIENS outras iniciativas que se est\u00e1n a levar a cabo no centro no \u00e1mbito da detecci\u00f3n temper\u00e1 de enfermidades, como CELIA ou VISIA. <\/p>\n\n\n\n

Ferramentas dixitais con IA<\/h3>\n\n\n\n

Luis Anido Rif\u00f3n, responsable do proxecto SAPIENS, investigador de atlanTTic e catedr\u00e1tico da Escola de Enxe\u00f1ar\u00eda de Telecomunicaci\u00f3n, xunto ao persoal investigador do proxecto, Noelia Lago Priego, Mois\u00e9s Pacheco Lorenzo e Iv\u00e1n Otero Gonz\u00e1lez, foron os encargados de presentar os principais avances e resultados acadados. Ao abeiro do proxecto dese\u00f1\u00e1ronse varias ferramentas tecnol\u00f3xicas adestradas con Intelixencia Artificial (IA) e t\u00e9cnicas de Machine Learning<\/em>, DigiMoca<\/em> e DigiYesavage<\/em>, asistentes conversacionais intelixentes tipo Alexa, cos que se realizaron estudos e cribados con persoas maiores e tests de validaci\u00f3n da s\u00faa usabilidade cos propios usuarios. Unhas probas coas que se miden aspectos como a atenci\u00f3n, a velocidade de resposta ou a memoria da persoa que interact\u00faa coa ferramenta. <\/p>\n\n\n\n

No acto de presentaci\u00f3n dos resultados do proxecto, o equipo de SAPIENS destacou a importancia da detecci\u00f3n temper\u00e1 de enfermidades neurodexenerativas como Alzh\u00e9imer e P\u00e1rkinson ou outros trastornos como a depresi\u00f3n, para unha maior rapidez na intervenci\u00f3n da enfermidade, as\u00ed como unha eficacia do tratamento, que repercute enormemente na calidade de vida das e dos pacientes e reduce o impacto destas doenzas.<\/p>\n\n\n\n

Retos das TIC e a detecci\u00f3n temper\u00e1 de deterioro cognitivo <\/h3>\n\n\n\n

A xornada inclu\u00edu unha mesa redonda na que participaron Iv\u00e1n Rar\u00eds Filgueira, xerente do Cl\u00faster de Sa\u00fade de Galicia; Roberto Gonz\u00e1lez Novas, responsable de Innovaci\u00f3n de DomusVi; C\u00e9sar Bugallo Carrera, presidente de FAGAL (Federaci\u00f3n Alzh\u00e9imer Galicia); Carlos Spuch Calvar, neurocient\u00edfico do Instituto de Investigaci\u00f3n Sanitaria Galicia Sur e que moderou Mart\u00edn Llamas. Os participantes na mesa abordaron os principais retos do uso da tecnolox\u00eda e da detecci\u00f3n temper\u00e1 do deterioro cognitivo en persoas maiores, desde diferentes perspectivas, ademais da investigaci\u00f3n, como a do \u00e1mbito cl\u00ednico, a das persoas usuarias e das familias, ou a das entidades que ofrecen servizos tanto en residencias como domiciliarios.<\/p>\n\n\n\n

Alg\u00fans dos retos que puxeron enriba da mesa os participantes na sesi\u00f3n foron a necesidade dunha estandarizaci\u00f3n no tratamento dos datos dos pacientes e a capacitaci\u00f3n do persoal m\u00e9dico no emprego destas tecnolox\u00edas, ao tempo que tam\u00e9n destacaron a importancia dun proceso de co-creaci\u00f3n destas ferramentas dixitais coas propias persoas usuarias. <\/p>\n\n\n