{"id":288974,"date":"2024-06-25T12:07:32","date_gmt":"2024-06-25T10:07:32","guid":{"rendered":"https:\/\/atlanttic.uvigo.es\/?p=288974"},"modified":"2025-05-16T11:36:52","modified_gmt":"2025-05-16T09:36:52","slug":"experiencia-piloto-no-campus-para-probar-a-resposta-das-tecnoloxias-mais-avanzadas-na-xestion-de-situacions-de-emerxencia","status":"publish","type":"post","link":"https:\/\/atlanttic.uvigo.es\/es\/2024\/06\/experiencia-piloto-no-campus-para-probar-a-resposta-das-tecnoloxias-mais-avanzadas-na-xestion-de-situacions-de-emerxencia\/","title":{"rendered":"Experiencia piloto no campus para probar a resposta das tecnolox\u00edas m\u00e1is avanzadas na xesti\u00f3n de situaci\u00f3ns de emerxencia"},"content":{"rendered":"\n
\"\"<\/figure>\n\n\n\n

O Centro de Investigaci\u00f3n en Tecnolox\u00edas de Telecomunicaci\u00f3n da Universidade de Vigo, atlanTTic<\/a>, e as firmas Optare Solution<\/a>s e MasOrange<\/a>, resultante da fusi\u00f3n de Orange e M\u00e1sMovil, levaron a cabo este martes no campus de Vigo unha experiencia piloto dirixida a probar a combinaci\u00f3n das tecnolox\u00edas 5G, Edge Computing e intelixencia artificial na xesti\u00f3n de situaci\u00f3ns de emerxencia e na busca de persoas desaparecidas.<\/p>\n\n\n\n

A proba piloto, na que participou a unidade especialista en drons da polic\u00eda local de Vigo, Unidade F\u00e9nix, levouse a cabo cun dron dotado con c\u00e1maras de vixilancia para a captura de v\u00eddeo en tempo real e nunha contorna Edge con m\u00e9todos avanzados de procesamento de v\u00eddeo mediante intelixencia artificial. Foi no aparcadoiro da Escola de Enxe\u00f1ar\u00eda de Telecomunicaci\u00f3n e empregando cartuchos de fume para simular un incendio.<\/p>\n\n\n\n

Un sistema de baixo custe que combina 5G, IA e Edge Computing <\/h3>\n\n\n\n

Previamente \u00e1 demostraci\u00f3n do sistema tivo lugar nunha das salas da EET unha pequena presentaci\u00f3n na que Xos\u00e9 Ram\u00f3n Sousa, responsable de Innovaci\u00f3n de Optare Solutions, explicou os detalles da posta en marcha deste novo sistema, as\u00ed como as s\u00faas principais vantaxes fronte a outros m\u00e9todos nos que non se d\u00e1 a combinaci\u00f3n de todas estas tecnolox\u00edas. Nesta li\u00f1a, Sousa fixo fincap\u00e9 en que neste proxecto se une a calidade e capacidade da rede m\u00f3bil 5G de MasOrange, o maior operador de telecomunicaci\u00f3ns en Espa\u00f1a por n\u00famero de clientes; a ampla experiencia de Optare Solutions como integrador e habilitador de servizos sobre infraestruturas e capacidades dixitais no sector das telecomunicaci\u00f3ns, e a soluci\u00f3n edgeContinuum, plataforma de Edge Computing desenvolta polo Grupo de Tecnolox\u00edas de Informaci\u00f3n do centro atlanTTic (cofinanciado con fondos FEDER), co apoio do programa Ignicia da Axencia Galega de Innovaci\u00f3n.<\/p>\n\n\n\n

\u201cPartimos dun contexto no que os despregues que se acostuman facer para xestionar os incendios te\u00f1en un alto custe, sobre todo aqueles asociados \u00e1 masa forestal, que son os que se propagan con maior virulencia e provocan maiores problemas\u201d, explicou Sousa, quen tam\u00e9n fixo referencia \u00e1 habitual falla de subministro el\u00e9ctrico que traen consigo os incendios, as\u00ed como a outros inconvenientes como os relacionados coa orograf\u00eda e coas altas posibilidades de que moitos recursos sexan destru\u00eddos polo propio lume. \u201cNeses momentos os sat\u00e9lites poden axudar, pero s\u00f3 ofrecen un punto de vista, mentres que os drons ofrecen unha maior granularidade dos eventos\u201d, recalcou o responsable de Innovaci\u00f3n de Optare Solutions, quen resaltou a elevada reduci\u00f3n dos tempos de alerta \u00e1 hora de facer a detecci\u00f3n que sup\u00f3n o novo sistema \u201calgo que resulta clave\u201d, as\u00ed como o seu baixo custe da implantaci\u00f3n.<\/p>\n\n\n\n

Recollida e procesamento de datos en \u201ctempo real\u201d<\/h3>\n\n\n\n

Grazas \u00e1 alta velocidade e ultrabaixa latencia da rede 5G+ de MasOrange, o dron \u00e9 capaz de transmitir o v\u00eddeo capturado na \u00e1rea na que se detecta unha urxencia en tempo real na plataforma edgeContinuum para o seu procesamento. Nesta plataforma anal\u00edzanse as imaxes mediante a aplicaci\u00f3n desenvolvida por Optare Solutions, utilizando un modelo avanzado de intelixencia artificial que permite detectar, por exemplo,  os posibles incendios forestais. Cos resultados da s\u00faa execuci\u00f3n,  x\u00e9ranse tam\u00e9n alertas, permitindo unha resposta r\u00e1pida e precisa ante as posibles urxencias.<\/p>\n\n\n\n

Os participantes nesta proba pretenden, desta maneira, marcar unha revoluci\u00f3n na resposta ante  unha situaci\u00f3n de emerxencia. No caso dos incendios forestais, o sistema de drons facilita o labor dos servizos de extinci\u00f3n, ofrecendo v\u00eddeo en directo para que os corpos de seguridade examinen a zona do incendio contextualizada e aval\u00eden se \u00e9 segura antes de acceder \u00e1 mesma. As\u00ed mesmo, na procura de persoas desaparecidas, o procesamento das \u00e1reas xeogr\u00e1ficas realizadas polo dron coa intelixencia artificial permite determinar con gran seguridade a presenza de persoas na zona da busca.<\/p>\n\n\n