{"id":294506,"date":"2025-06-09T16:29:24","date_gmt":"2025-06-09T14:29:24","guid":{"rendered":"https:\/\/atlanttic.uvigo.es\/?p=294506"},"modified":"2025-08-28T13:26:28","modified_gmt":"2025-08-28T11:26:28","slug":"o-investigador-jordi-borras-da-universitat-politecnica-de-catalunya-gana-o-premio-atlanttic-a-mellor-tese-de-doutoramento","status":"publish","type":"post","link":"https:\/\/atlanttic.uvigo.es\/es\/2025\/06\/o-investigador-jordi-borras-da-universitat-politecnica-de-catalunya-gana-o-premio-atlanttic-a-mellor-tese-de-doutoramento\/","title":{"rendered":"O investigador Jordi Borr\u00e0s, da Universitat Polit\u00e8cnica de Catalunya, ga\u00f1a o Premio atlanTTic \u00e1 mellor tese de doutoramento"},"content":{"rendered":"\n\n\n
\"\"<\/figure>\n\n\n\n

O investigador Jordi Borr\u00e0s Pino acaba de ser reco\u00f1ecido co Premio atlanTTic \u00e1 mellor tese de doutamento no \u00e1mbito das tecnolox\u00edas de telecomunicaci\u00f3n, un galard\u00f3n convocado polo Centro de Investigaci\u00f3n en Tecnolox\u00edas de Telecomunicaci\u00f3n da Universidade de Vigo, atlanTTic (cofinanciado con fondos FEDER) en colaboraci\u00f3n coa secci\u00f3n espa\u00f1ola do IEEE (Institute of Electrical and Electronics Engineers). Este galard\u00f3n, que acada a s\u00faa segunda edici\u00f3n, reco\u00f1ece o traballo de investigaci\u00f3n m\u00e1is destacado neste \u00e1mbito realizado en universidades espa\u00f1olas durante o ano 2023. A tese de Borr\u00e1s, realizada na Universitat Polit\u00e8cnica de Catalunya, aborda un dos retos centrais nas comunicaci\u00f3ns sen f\u00edos, a mitigaci\u00f3n das interferencias sen co\u00f1ecemento previo da rede nin coordinaci\u00f3n entre transmisores e receptores.<\/p>\n\n\n\n

O acto de entrega do galard\u00f3n celebrouse este luns na sala Manolo Ramos do edificio Ernestina Otero e contou coa participaci\u00f3n do reitor da UVigo, Manuel Reigosa; a vicerreitora de Investigaci\u00f3n, Transferencia e Innovaci\u00f3n, Bel\u00e9n Rubio; o director de atlanTTic, Mart\u00edn Llamas, e o subdirector do centro, Luis M. \u00c1lvarez Sabucedo. Todos os presentes sum\u00e1ronse aos parab\u00e9ns ao ga\u00f1ador, polo m\u00e9rito e calidade cient\u00edfica do seu traballo, reco\u00f1ecendo que o esforzo en etapas iniciais da carreira investigadora \u00e9 esencial para constru\u00edr futuro. O reitor, destacou que a consolidaci\u00f3n deste premio \u201c\u00e9 unha mostra do compromiso do centro atlanTTic e da UVigo coa investigaci\u00f3n de excelencia e co apoio ao talento novo, e perm\u00edtenos visibilizar o traballo que se fai desde universidades e centros punteiros en toda Espa\u00f1a\u201d. Bel\u00e9n Rubio tam\u00e9n quixo resaltar que \u201ceste galard\u00f3n \u00e9 un grande exemplo do tipo de acci\u00f3ns que queremos apoiar desde a Universidade de Vigo: iniciativas que fomenten a excelencia, a transferencia e o avance do co\u00f1ecemento, especialmente en \u00e1mbitos tan importantes para o progreso da sociedade como son as telecomunicaci\u00f3ns\u201d.<\/p>\n\n\n\n

Pola s\u00faa banda, Mart\u00edn Llamas, agradeceu a todas as persoas que fan posible que este premio siga medrando, e resaltou que \u201cdesde atlanTTic apostamos por reco\u00f1ecer aquelas achegas que marcan a diferenza no \u00e1mbito das telecomunicaci\u00f3ns. Este reco\u00f1ecemento non s\u00f3 celebra a calidade dunha tese sen\u00f3n que tam\u00e9n contrib\u00fae a conectar xeraci\u00f3ns de investigadores e a proxectar talento ao mundo. \u00c9 unha honra poder contar co apoio do IEEE e da Universidade de Vigo nesta iniciativa\u201d. <\/p>\n\n\n\n

Tese ga\u00f1adora do II Premio atlanTTic<\/h3>\n\n\n\n

A tese de Jordi Borr\u00e0s, titulada Opportunistic communications in large uncoordinated networks<\/em>, desenvolvida na Universitat Polit\u00e8cnica de Catalunya (UPC), aborda un dos retos centrais nas comunicaci\u00f3ns sen f\u00edos e prop\u00f3n un esquema innovador de transmisi\u00f3n para sistemas mono e multi-antena que permite reducir ou mesmo evitar estas interferencias, avanzando cara sistemas de comunicaci\u00f3n m\u00e1is robustos e eficientes.<\/p>\n\n\n\n

\u201cEste premio ten un triplo significado. Por un lado, un reco\u00f1ecemento ao duro traballo durante o meu doutoramento, as\u00ed como tam\u00e9n unha motivaci\u00f3n a seguir traballando. Por encima de todo, tam\u00e9n \u00e9 un reco\u00f1ecemento a todos aqueles que foron part\u00edcipes, de forma directa ou indirecta, do meu traballo\u201d, sinalou o galardoado, que actualmente forma parte do equipo de atlanTTic.<\/p>\n\n\n\n

Aplicaci\u00f3ns pr\u00e1cticas e impacto futuro<\/h3>\n\n\n\n

Borr\u00e0s salientou o car\u00e1cter te\u00f3rico da s\u00faa tese e os retos que isto supuxo \u00e1 hora de divulgar os resultados, o que lle obrigou a buscar aplicaci\u00f3ns relevantes e comunicar os seus achados de forma clara e rigorosa. \u201cO principal obxectivo da mi\u00f1a tese doutoral era o dese\u00f1o dun esquema de transmisi\u00f3n para sistemas mono-antena e multi-antena que tivese a capacidade de reducir -e idealmente, evitar- as interferencias sen a necesidade de co\u00f1ecer perfectamente o estado da rede de comunicaci\u00f3ns e sen a necesidade de que o transmisor e o receptor estean cooperando\u201d, explica.<\/p>\n\n\n\n

Un dos aspectos m\u00e1is destacados da tese ga\u00f1adora \u00e9 a s\u00faa potencial aplicaci\u00f3n pr\u00e1ctica na coexistencia de tecnolox\u00edas de comunicaci\u00f3n heterox\u00e9neas, como as redes m\u00f3biles 4G e 5G, ou transmisi\u00f3ns con e sen restrici\u00f3ns de latencia. Isto sup\u00f3n un avance clave para mellorar a eficiencia espectral en contextos cada vez m\u00e1is densos e complexos e poder\u00eda ser mitigar a interferencia debida \u00e1 coexistencia entre distintas tecnolox\u00edas de comunicaci\u00f3n.<\/p>\n\n\n\n

Traxectoria investigadora do ga\u00f1ador<\/h3>\n\n\n\n

Natural de Catalu\u00f1a, Jordi Borr\u00e0s obtivo o Grao en Ciencias e Tecnolox\u00edas de  Telecomunicaci\u00f3n (2016), o M\u00e1ster en Enxe\u00f1ar\u00eda de Telecomunicaci\u00f3n (especialidade en Comunicaci\u00f3ns Sen F\u00edos, 2018) e o Doutoramento en Teor\u00eda da Sinal e Comunicaci\u00f3ns (Sobresaliente Cum Laude, 2023) todos pola Universitat Polit\u00e8cnica de Catalunya (UPC), onde xa destacara como investigador no grupo SPCOM. <\/p>\n\n\n\n

Dende maio de 2023 \u00e9 investigador posdoutoral en atlanTTic, colaborando co grupo de Procesado da Sinal en Comunicaci\u00f3ns (GPSC). Neste grupo participou en proxectos sobre comunicaci\u00f3ns full-duplex, o novo paradigma ISAC (Integrated Sensing and Communications) e vulnerabilidades en aprendizaxe federado. Este mesmo mes rematar\u00e1 a a s\u00faa etapa en Galicia e incorporarase como profesor axudante doutor \u00e1 Universitat Polit\u00e8cnica de Catalunya, onde continuar\u00e1 desenvolvendo a s\u00faa carreira investigadora.<\/p>\n\n\n\n

Terceira edici\u00f3n do Premio atlanTTic<\/h3>\n\n\n\n

Continuando coa aposta de atlanTTic por fomentar a excelencia cient\u00edfica e impulsar a transferencia de co\u00f1ecemento en \u00e1reas clave como as comunicaci\u00f3ns, a ciberseguridade e os servizos dixitais, o centro acaba de convocar a terceira edici\u00f3n do Premio atlanTTic \u00e1 mellor tese en tecnolox\u00edas de telecomunicaci\u00f3n, en colaboraci\u00f3n coa secci\u00f3n espa\u00f1ola do IEEE. <\/p>\n\n\n\n

Poder\u00e1n concorrer as persoas pos\u00faan un t\u00edtulo de doutoramento, de calquera nacionalidade, que defendesen a s\u00faa tese no eido das tecnolox\u00edas de telecomunicaci\u00f3n (comunicaci\u00f3ns, servizos dixitais e\/ou ciberseguridade) en calquera universidade espa\u00f1ola, que defenderan a s\u00faa tese durante o ano 2024, coa m\u00e1xima cualificaci\u00f3n (excelente cum laude), e te\u00f1an publicado 2 artigos JCR Q1\/Q2 ou dispo\u00f1an dunha patente en explotaci\u00f3n, por un resultado da investigaci\u00f3n realizada no contexto da tese. A cont\u00eda individual m\u00e1xima do premio ser\u00e1 de 2500\u20ac.<\/p>\n\n\n\n

As bases da convocatoria est\u00e1n dispo\u00f1ibles nesta ligaz\u00f3n<\/a> e o prazo de candidaturas permanecer\u00e1 aberto ata o 16 de setembro de 2025.<\/p>\n\n\n