DocTIC, Programa Internacional de Doutoramento
Titulación oficial da Universidade de Vigo promovida pola Escola de Enxeñaría de Telecomunicación e o Centro de Investigación atlanTTic, o Programa de Doutoramento Internacional en Tecnoloxías da Información e as Comunicacións – DocTIC é a evolución dos programas de doutoramento anteriores en Teoría do Sinal e Comunicacións (TSC) e Enxeñería Telemática (IT), ambos con Mención cara á Excelencia outorgada polo Ministerio de Educación do Goberno de España.
atlanTTic colabora en DocTIC co obxectivo de formar aos mellores profesionais e investigadores no ámbito das tecnoloxías de telecomunicación, xerar investigación de calidade e impacto internacional, e proporcionar á industria profesionais con coñecementos avanzados que lles permitan mellorar a súa competitividade a escala global.