{"id":288912,"date":"2024-06-24T11:24:34","date_gmt":"2024-06-24T09:24:34","guid":{"rendered":"https:\/\/atlanttic.uvigo.es\/?p=288912"},"modified":"2025-05-16T13:20:09","modified_gmt":"2025-05-16T11:20:09","slug":"mais-de-70-profesionais-en-seguridade-multimedia-reunense-en-baiona-no-congreso-ihmmsec24","status":"publish","type":"post","link":"https:\/\/atlanttic.uvigo.es\/gl\/2024\/06\/mais-de-70-profesionais-en-seguridade-multimedia-reunense-en-baiona-no-congreso-ihmmsec24\/","title":{"rendered":"M\u00e1is de 70 profesionais en seguridade multimedia re\u00fanense en Baiona no congreso IH&MMSec\u201924"},"content":{"rendered":"\n
\"\"<\/figure>\n\n\n\n

Esta ma\u00f1\u00e1 inaugurouse no Parador de Baiona o 12\u00ba ACM Workshop on Information Hiding and Multimedia Security, IH&MMSec\u201924<\/a><\/em>,<\/a> un evento de referencia internacional no \u00e1mbito da seguridade multimedia e da ocultaci\u00f3n da informaci\u00f3n, organizado polo Centro de Investigaci\u00f3n en Tecnolox\u00edas de Telecomunicaci\u00f3n da Universidade de Vigo, atlanTTic, co apoio da ACM (Association of Computing Machinery<\/em>). Desde hoxe e ata o vindeiro m\u00e9rcores no IH&MMSec\u201924 presentaranse os \u00faltimos avances que se est\u00e1n a realizar nestes \u00e1mbitos en instituci\u00f3ns acad\u00e9micas, industriais e gobernamentais de todo o mundo, tanto desde o punto de vista te\u00f3rico como de novidosas aplicaci\u00f3ns industriais e comerciais.<\/p>\n\n\n\n

Na inauguraci\u00f3n oficial celebrada esta ma\u00f1\u00e1 participaron Jes\u00fas V\u00e1zquez Almui\u00f1a, alcalde de Baiona; Mart\u00edn L\u00f3pez Nores, vicerreitor de Profesorado e Ordenaci\u00f3n Acad\u00e9mica da UVigo; Mart\u00edn Llamas Nistal, director de atlanTTic, e o catedr\u00e1tico e investigador da UVigo Fernando P\u00e9rez, presidente do comit\u00e9 organizador de IH&MMSec e l\u00edder do Grupo de Investigaci\u00f3n en Procesado de Sinal en Comunicaci\u00f3ns (GPSC) de atlanTTic. P\u00e9rez-Gonz\u00e1lez amosou na s\u00faa intervenci\u00f3n o seu agradecemento \u00e1s  m\u00e1is de 70 persoas asistentes procedentes de Alema\u00f1a, China, Francia, Italia ou EEUU,  e aos organizadores do evento, mentres que L\u00f3pez Nores destacou as cifras de estudantado e internacionalizaci\u00f3n da UVigo. Pola s\u00faa banda, o director de atlanTTic, resaltou o labor do centro e da Universidade de Vigo no \u00e1mbito da ciberseguridade, \u201cunha das \u00e1reas estrat\u00e9xicas do centro\u201d, dixo. Mentres, o alcalde de Baiona, agradeceu \u00e1s e aos participantes a s\u00faa presenza en Baiona e m\u00e1is concretamente no parador, \u201cun lugar que adoita acoller grandes citas a nivel internacional\u201d, asegurou V\u00e1zquez Almui\u00f1a. <\/p>\n\n\n\n

IH&MMSec\u201924, que conta co apoio da ACM (Association of Computing Machinery<\/em>) e do centro atlanTTic (cofinanciado con fondos FEDER), e a colaboraci\u00f3n de Gradiant, o Concello de Baiona e os proxectos Uncover, Trumpet e Truffles, desenvolver\u00e1 un amplo programa que incl\u00fae presentaci\u00f3ns de artigos de investigaci\u00f3n, mesas redondas e sesi\u00f3ns especiais.\u00a0Nas m\u00e1is de 30 ponencias de investigadores e investigadoras internacionais, seleccionadas tras un esixente proceso de revisi\u00f3n por pares, abordaranse diferentes tem\u00e1ticas relacionadas coa seguridade da informaci\u00f3n e ocultaci\u00f3n de informaci\u00f3n, como esteganograf\u00eda, estegan\u00e1lise, marcas de auga dixitais e anonimidade. O programa tam\u00e9n cubrir\u00e1 diversos temas de seguridade multimedia, como a autenticaci\u00f3n multimedia, a forens\u00eda multimedia, a biometr\u00eda e a privacidade. Ademais, haber\u00e1 catro sesi\u00f3ns especiais sobre detectores confiables, stego-malware, detecci\u00f3n de deepfakes de audio e privacidade e seguridade na \u00a0aprendizaxe federada.\u00a0<\/p>\n\n\n\n

Tres d\u00edas de relatorios, mesas redondas e sesi\u00f3ns especiais <\/h3>\n\n\n\n

As sesi\u00f3ns da primeira xornada c\u00e9ntranse na esteganograf\u00eda e estegan\u00e1lise, stego-malware e a an\u00e1lise forense. O congreso ten programadas tres conferencias invitadas (keynote talks<\/em>) a cargo de Gwena\u00ebl Do\u00ebrr, de Synamedia (Francia), que se centrar\u00e1 na utilizaci\u00f3n de ferramentas dixitais para combater a pirater\u00eda de v\u00eddeo; Christian Riess, da Universidad Friedrich-Alexander Erlangen-N\u00fcrnberg (Alema\u00f1a), afondar\u00e1 na traduci\u00f3n de avances te\u00f3ricos na forens\u00eda de imaxes en aplicaci\u00f3ns pr\u00e1cticas; e Jonathan W. Hak, da Universidad de Leiden (Holanda), discutir\u00e1 as aplicaci\u00f3ns da forens\u00eda multimedia en investigaci\u00f3ns criminais.<\/p>\n\n\n\n

O m\u00e9rcores pola tarde, como antesala ao peche do evento, celebrase a charla plenaria de Jonathan W. Hak, impulsada polo proxecto europeo Uncover, e a <\/strong>mesa redonda Navegando a Frontera da IA: Desaf\u00edos na Forens\u00eda Multimedia e a Estegan\u00e1lise<\/em>, sobre o uso da Intelixencia Artificial na an\u00e1lise forense de datos multimedia e en esteganograf\u00eda, na que participar\u00e1n Matthias Kirchner (Kitware Inc., EE.UU.), Ralf Zimmermann (ZITiS, Alema\u00f1a), Jonathan W. Hak (Leiden University, Holanda), e Mauro Barni (University of Siena, Italia) e Patrick Bas (CRIStAL, CNRS), que representar\u00e1n ao \u00e1mbito empresarial, gobernamental, legal e acad\u00e9mico, respectivamente, e estar\u00e1 moderada por Luis P\u00e9rez Freire de Gradiant.<\/p>\n\n\n