{"id":291752,"date":"2024-12-10T13:43:35","date_gmt":"2024-12-10T12:43:35","guid":{"rendered":"https:\/\/atlanttic.uvigo.es\/?p=291752"},"modified":"2024-12-10T16:31:00","modified_gmt":"2024-12-10T15:31:00","slug":"atlanttic-e-ctag-realizaran-probas-de-transporte-intelixente-no-campus-da-uvigo-cun-vehiculo-autonomo","status":"publish","type":"post","link":"https:\/\/atlanttic.uvigo.es\/gl\/2024\/12\/atlanttic-e-ctag-realizaran-probas-de-transporte-intelixente-no-campus-da-uvigo-cun-vehiculo-autonomo\/","title":{"rendered":"atlanTTic e CTAG realizar\u00e1n probas de transporte intelixente no campus da UVigo cun veh\u00edculo aut\u00f3nomo"},"content":{"rendered":"\n
\"\"<\/figure>\n\n\n\n

A Universidade de Vigo e o Centro Tecnol\u00f3xico de Automoci\u00f3n de Galicia (CTAG)<\/a> asinaron este martes un acordo de colaboraci\u00f3n que permitir\u00e1 a posta en marcha no campus dun servizo de veh\u00edculo aut\u00f3nomo e conectado que non s\u00f3 facilitar\u00e1 o transporte de persoas entre os diferentes edificios, sen\u00f3n que tam\u00e9n servir\u00e1 como plataforma de proba para diversos casos de uso relacionados coa ciberseguridade no \u00e1mbito do veh\u00edculo conectado. Tr\u00e1tase dunha iniciativa impulsada polo Instituto Nacional de Ciberseguridad (INCIBE)<\/a>, a trav\u00e9s da Axencia para a Modernizaci\u00f3n Tecnol\u00f3xica de Galicia (AMTEGA)<\/a> da Xunta de Galicia no marco do programa de Redes Territoriais de Especializaci\u00f3n Tecnol\u00f3xica (RETECH), no que se articulan diversos proxectos rexionais orientados \u00e1 transformaci\u00f3n e especializaci\u00f3n dixital, asegurando a colaboraci\u00f3n e complementariedade entre entidades. RETECH incl\u00faese no marco do Plan de Recuperaci\u00f3n, Transformaci\u00f3n e Resiliencia, e conta coa financiaci\u00f3n de Fondos Next Generation-EU.<\/p>\n\n\n\n

O obxectivo principal desta proba piloto \u00e9 validar o uso de veh\u00edculos aut\u00f3nomos, con especial \u00e9nfase na seguridade das comunicaci\u00f3ns entre veh\u00edculos e na integraci\u00f3n dunha plataforma dentro de redes experimentais 5G e 6G. Para isto, empregarase un veh\u00edculo aut\u00f3nomo, unha lanzadeira (shuttle<\/em>) con capacidade para transportar ata 12 persoas dese\u00f1ada polo CTAG e grazas a cal se poder\u00e1 avaliar o funcionamento, rendemento e eficiencia do veh\u00edculo conectado nun per\u00edmetro controlado, neste caso o campus da UVigo. Ser\u00e1, en principio, a partir do mes de setembro, cando xa estean plenamente operativas as redes 5G e 6G.<\/p>\n\n\n\n

A vicerreitora de Investigaci\u00f3n e Transferencia, Bel\u00e9n Rubio, e o director xeral do CTAG, Luis Moreno, explicaron os detalles do proxecto nunha xuntanza \u00e1 que tam\u00e9n asistiron os investigadores de atlanTTic responsables na UVigo deste proxecto, Felipe Gil Casti\u00f1eira e Ana Fern\u00e1ndez Vilas; as\u00ed como o director da Divisi\u00f3n de Electr\u00f3nica e Mobilidade Intelixente do CTAG, Francisco S\u00e1nchez, e o responsable do Departamento de Ciberseguridade en Automoci\u00f3n, Carlos P\u00e9rez Garrido.<\/p>\n\n\n\n

Vigo ser\u00e1 un dos primeiros campus en contar con este servizo<\/h3>\n\n\n\n

No marco desta xuntanza, Bel\u00e9n Rubio salientou que grazas a esta iniciativa Vigo converterase nun dos primeiros campus a nivel nacional en contar cun servizo destas caracter\u00edsticas. As\u00ed mesmo, explicou que a idea de p\u00f3r en marcha esta iniciativa xurdiu nun dos padroados do CTAG no que presentaron todos os veh\u00edculos aut\u00f3nomos que xa ti\u00f1an en marcha neste centro. \u201cNese intre decat\u00e1monos de que o campus \u00e9 unha localizaci\u00f3n especialmente indicada para realizar probas con este tipo de veh\u00edculos e que un proxecto como este servir\u00eda tanto para dar visibilidade ao traballo que se leva a cabo desde o CTAG como \u00e1 propia Universidade de Vigo\u201d, explicou a vicerreitora, quen fixo menci\u00f3n a idoneidade destas lanzadeiras para a mobilidade das persoas entre os distintos edificios do campus. \u201cAgardamos que o proxecto sexa un \u00e9xito e que despois deste ve\u00f1an moitos m\u00e1is\u201d, recalcou Rubio, quen se referiu aos veh\u00edculos aut\u00f3nomos conectados \u201cnon como unha opci\u00f3n de futuro, sen\u00f3n como unha nova realidade\u201d.<\/p>\n\n\n\n

Como parte do convenio, o CTAG liderar\u00e1 a creaci\u00f3n dun laboratorio especializado en ciberseguridade aplicada \u00e1 automoci\u00f3n, equipado coas capacidades necesarias para a validaci\u00f3n de soluci\u00f3ns en veh\u00edculos aut\u00f3nomos e conectados, reforzando as\u00ed o compromiso co desenvolvemento de tecnolox\u00edas avanzadas en mobilidade intelixente e segura. En palabras de Luis Moreno, \u201cesta colaboraci\u00f3n coa Universidade de Vigo reforza o noso compromiso coa investigaci\u00f3n e a innovaci\u00f3n no \u00e1mbito da mobilidade aut\u00f3noma e conectada\u201d, lembrando as\u00ed que o obxectivo do CTAG \u00e9 \u201cdesenvolver soluci\u00f3ns tecnol\u00f3xicas que non s\u00f3 beneficien ao sector da automoci\u00f3n, sen\u00f3n que tam\u00e9n impacten positivamente na sociedade\u201d.<\/p>\n\n\n\n

\u201cUn aut\u00e9ntico laboratorio m\u00f3bil de ciberseguridade\u201d<\/h3>\n\n\n\n

Pola s\u00faa banda, Felipe Gil, investigador do centro atlanTTic e responsable do proxecto na UVigo, engadiu que \u201co obxectivo desta iniciativa \u00e9 validar a interacci\u00f3n entre veh\u00edculos, a seguridade e fiabilidade das comunicaci\u00f3ns e a operatividade das redes 5G e 6G”. Neste senso, fixo fincap\u00e9 en que esta experiencia piloto permitir\u00e1 avanzar no desenvolvemento de tecnolox\u00edas clave para a modernizaci\u00f3n do transporte p\u00fablico e a mobilidade intelixente en Galicia. \u201cEstes veh\u00edculos aut\u00f3nomos e conectados son capaces de estar en constante comunicaci\u00f3n cos diferentes elementos da contorna, o que lle permite interactuar, abrir barreiras, sem\u00e1foros\u2026 polo que ser\u00e1 unha oportunidade \u00fanica para convertelo nun aut\u00e9ntico laboratorio m\u00f3bil de ciberseguridade\u201d. <\/p>\n\n\n\n

Neste li\u00f1a, Francisco S\u00e1nchez, director da Divisi\u00f3n de Electr\u00f3nica e Mobilidade Intelixente do CTAG, apuntou que a posta en marcha desta proxecto facilita a posibilidade de \u201ccombinar a investigaci\u00f3n de todas as vantaxes que ofrece a rede 5G e 6G, con todos os retos que hai por diante en canto a ciberseguridade e, ao mesmo tempo, estar ofrecendo un servizo de vangarda para transporte de pasaxeiros, o que se acostuma a chamar a \u00faltima milla\u201d.<\/p>\n\n\n\n

Programa RETECH<\/h3>\n\n\n\n

As Redes Territoriais de Especializaci\u00f3n Tecnol\u00f3xica (RETECH)<\/a> son unha iniciativa estrat\u00e9xica para o desenvolvemento do ecosistema de ciberseguridade (capacidades, industria, I+D+i e talento), que coa coordinaci\u00f3n de INCIBE, aglutinar\u00e1 a 15 comunidades aut\u00f3nomas cun presuposto inicial de 149 mill\u00f3ns de euros. RETECH ser\u00e1, ademais, un modelo de colaboraci\u00f3n entre INCIBE e as CCAA para o desenvolvemento da ciberseguridade en sectores productivos estrat\u00e9xicos relevantes.<\/p>\n\n\n