{"id":294876,"date":"2025-07-01T14:43:33","date_gmt":"2025-07-01T12:43:33","guid":{"rendered":"https:\/\/atlanttic.uvigo.es\/?p=294876"},"modified":"2026-01-28T10:36:20","modified_gmt":"2026-01-28T09:36:20","slug":"vigo-acolle-o-11o-workshop-espanol-sobre-procesamento-de-sinal-teoria-da-informacion-e-comunicacions-sic25","status":"publish","type":"post","link":"https:\/\/atlanttic.uvigo.es\/gl\/2025\/07\/vigo-acolle-o-11o-workshop-espanol-sobre-procesamento-de-sinal-teoria-da-informacion-e-comunicacions-sic25\/","title":{"rendered":"Vigo acolle o 11\u00ba Workshop Espa\u00f1ol sobre Procesamento de Sinal, Teor\u00eda da Informaci\u00f3n e Comunicaci\u00f3ns (SIC\u201925)"},"content":{"rendered":"\n
\"\"<\/figure>\n\n\n\n

Vigo \u00e9 a sede este martes 1 de xullo e ma\u00f1\u00e1 m\u00e9rcores 2 de xullo do ‘11th Spain Workshop on Signal Processing, Information Theory and Communication<\/em>s (SIC\u201925)\u2019<\/a>, un encontro de referencia a nivel estatal no \u00e1mbito das tecnolox\u00edas da informaci\u00f3n e a comunicaci\u00f3n. O SIC\u201925 c\u00e9ntrase nos avances en procesamento de sinal, algoritmos de aprendizaxe, teor\u00eda da informaci\u00f3n e das comunicaci\u00f3ns, as\u00ed como nas s\u00faas aplicaci\u00f3ns pr\u00e1cticas en contornas reais e conta cun amplo programa t\u00e9cnico que incl\u00fae relatorios, seminarios especializados e unha sesi\u00f3n de p\u00f3steres orientada a investigadores e investigadoras en formaci\u00f3n, tanto a nivel de doutoramento como posdoutoral. Precisamente, as persoas participantes son animadas a contribu\u00edr activamente a esta sesi\u00f3n de p\u00f3steres, que serve como escaparate das investigaci\u00f3ns emerxentes m\u00e1is relevantes no campo.<\/p>\n\n\n\n

O\u00a0workshop<\/em>\u00a0tam\u00e9n incl\u00fae sesi\u00f3ns paralelas de networking vinculadas \u00e1s actividades da Rede de excelencia Comonsens, que financia o encontro, e que se celebrar\u00e1n ao longo de toda a semana na Escola de Enxe\u00f1ar\u00eda de Telecomunicaci\u00f3n da UVigo, permitindo afondar na colaboraci\u00f3n entre grupos de investigaci\u00f3n e facilitar a transferencia de co\u00f1ecemento. Esta edici\u00f3n, organizada polo Centro de Investigaci\u00f3n atlanTTic (cofinanciado con fondos FEDER) e subvencionada polo Ministerio de Ciencia, Innovaci\u00f3n e Universidades e pola Axencia Estatal de Investigaci\u00f3n, conta co apoio do programa de actividades de I+D IDEA-CM da Comunidade de Madrid, a trav\u00e9s da Direcci\u00f3n Xeral de Investigaci\u00f3n e Innovaci\u00f3n Tecnol\u00f3xica.<\/p>\n\n\n\n

Un programa cient\u00edfico de alto nivel<\/h3>\n\n\n\n

O investigador do Grupo de Procesado do Sinal en Comunicaci\u00f3ns do centro atlanTTic da UVigo Roberto L\u00f3pez Valcarce, que integra xunto a Joaqu\u00edn M\u00edguez Arenas e Matilde S\u00e1nchez Fern\u00e1ndez, ambos da Universidade Carlos III de Madrid, e Sara P\u00e9rez Vieites da University of Aalto, o comit\u00e9 organizador do SIC\u201925, destaca a importancia deste tipo de eventos cara a fomentar a colaboraci\u00f3n entre grupos de investigaci\u00f3n e establecer novas relaci\u00f3ns entre investigadores, sobre todo aqueles en per\u00edodo de formaci\u00f3n. \u201c\u00c9 un orgullo ademais acoller a figuras de renome internacional nas s\u00faas \u00e1reas como o son os diferentes relatores, alg\u00fans dos cales ademais desenvolveron as s\u00faas etapas iniciais en atlanTTic antes de establecerse en centros internacionais de primeira li\u00f1a\u201d.<\/p>\n\n\n\n

O programa do workshop incl\u00fae conferencias plenarias a cargo de destacadas figuras internacionais como Robert Heath (University of California, San Diego), que abordar\u00e1 a arquitectura MIMO h\u00edbrida para redes 6G; Jana de Wiljes (Ilmenau University of Technology, Alema\u00f1a), que falar\u00e1 sobre a estabilidade a longo prazo de filtros gaussianos; Daniel Romero (University of Agder, Noruega), cun relatorio sobre o uso de redes transformer para a estimaci\u00f3n de campos espaciais. Na xornada do m\u00e9rcores Gonzalo Mateos (University of Rochester) ofrecer\u00e1 un seminario sobre t\u00e9cnicas de incrustaci\u00f3n espectral en grafos. Incluir\u00e1 tam\u00e9n una charla a cargo de Nuria Gonz\u00e1lez-Prelcic (University of California, San Diego), centrado na integraci\u00f3n de capacidades de sensado e comunicaci\u00f3n nas futuras redes sen f\u00edos.<\/p>\n\n\n\n

Rede estatal de referencia en comunicaci\u00f3ns e procesado de sinal<\/h3>\n\n\n\n

O workshop<\/em> SIC\u201925 ins\u00edrese nas actividades da Rede de Excelencia Comonsens, unha iniciativa de colaboraci\u00f3n cient\u00edfica que re\u00fane 15 universidades espa\u00f1olas co obxectivo de avanzar no co\u00f1ecemento e desenvolvemento de t\u00e9cnicas innovadoras en procesamento de sinal, teor\u00eda da informaci\u00f3n e aprendizaxe autom\u00e1tica (Machine Learning<\/em>). A rede c\u00e9ntrase en \u00e1mbitos estrat\u00e9xicos como as redes 6G, a Internet das Cousas (IoT), as tecnolox\u00edas cu\u00e1nticas, os sistemas de comunicaci\u00f3n e sensado integrados e os bancos de probas sen f\u00edos (testbeds<\/em>).<\/p>\n\n\n\n

Coordinada pola Universidad Carlos III de Madrid, a Rede conta coa participaci\u00f3n de instituci\u00f3ns como as universidades de Vigo, A Coru\u00f1a, Granada, Polit\u00e9cnica de Valencia, Aut\u00f3noma de Barcelona ou Navarra, entre outras. Durante os dous anos de duraci\u00f3n previstos, a rede fomenta a cooperaci\u00f3n interdisciplinar en tecnolox\u00edas da informaci\u00f3n e comunicaci\u00f3ns, cun forte enfoque na investigaci\u00f3n aplicada e no traballo colaborativo.<\/p>\n\n\n