O obxectivo desta rede de doutoramento industrial europeo é brindar capacitación de vangarda a 4 mozas e mozos investigadores no campo emerxente da fotónica integrada, fomentando a súa aplicación na industria automotriz a través do desenvolvemento de novos kits de deseño de procesos (PDK) xenéricos de fosfuro de indio (InP), así como a creación de ferramentas de simulación disruptivas e procedementos de modelado para o seu uso en sistemas optoelectrónicos (fotónica e microelectrónica integradas combinadas).
Coordinado polo investigador Fran Díaz desde atlanTTic como lider e socio académico, o consorcio complétase con VPIphotonics GmbH como socio industrial e outra serie de entidades de diferentes países (Fraunhofer Institute for Telecommunications, Heinrich Hertz Institute, HHI, Bright Photonics BV e CTAG).