O obxectivo do proxecto EXPERIMEDIA é desenvolver e operar unha instalación única que ofreza ao persoal investigador o que necesita para experimentos a gran escala do Future Media Internet (FMI). Os experimentos explorarán novas formas de interacción social e experiencias de medios enriquecidos que incorporan interacción tanto en liña como no mundo real.
O equipo de atlanTTic encargarase do experimento REENACT, dirixido a investigar un novo enfoque para mellorar a comprensión de batallas e guerras que se converteron en fitos da historia da humanidade.