O obxectivo de LifeTEC foi a mellora na loita contra os incendios forestais utilizando tecnoloxías das comunicacións, para reducir o tempo de detección dos incendios forestais e mellorar a eficiencia das brigadas contra incendios facilitando as comunicacións e a xeolocalización das mesmas.
Como resultado, hai dúas tecnoloxías listas para contribuír á loita contra os incendios forestais: un método para a detección temperá de incendios forestais a partir dos sinais que proporciona o radar meteorolóxico e un sistema de xestión baseado en TETRA e Android para a xeolocalización en tempo real dos recursos dispoñibles para a extinción de incendios.