As liñas de investigación do grupo céntranse no traballo de prestación de servizos telemáticos en áreas de aplicación diferentes (e-goberno, e-learning, e-commerce, e-saúde, etc.) e os medios heteroxéneos (móbil, televisor, computador).

Os principais campos de interese do grupo son a formalización dos sistemas de distribución, a interconexión de sistemas heteroxéneos, a interoperabilidade en contornas de distribución e os sistemas de xestión de contidos, entre outros.

Liñas de investigación

• Intelixencia Artificial e Xogos Serios para a detección temperá de enfermidades asociadas ao envellecemento.
• Servizos de TV dixital para persoas maiores.
• Sistemas intelixentes e Aprendizaxe Máquina.
• E-health Process Mining. Seguimento, control de procesos, trazabilidade e adhesión a protocolos no ámbito da saúde.
• Multimodal Learning Analytics. Análise de datos recollidos a partir de diferentes fontes (sistemas LMS, dispositivos móbiles e wearables) para comprender de forma holística o proceso de aprendizaxe.
• E-avaliación.
• E-learning centrado nos Recursos Educativos Abertos, sistemas de avaliación e aprendizaxe autorregulado.