Un ano máis, a Universidade de Vigo únese á celebración da Noite Europea das Persoas Investigadoras (G-Night), evento de divulgación científica que ten lugar o último venres de
setembro en preto de 400 cidades de Europa.

En Galicia, esta iniciativa terá lugar en sete cidades, tratando de achegar a investigación e a ciencia á cidadanía, cunha programación chea de actividades lúdicas e para todos os públicos. Achégate a esta xornada de lecer científico na que poderás atopar: obradoiros, xogos, charlas e espectáculos nun edificio singular dun lugar emblemático de Vigo como é o Berbés.

Desde atlanTTic participaremos na feira científica que se celebrará no edificio Redeiras e poderedes atoparnos en varios postos:

• Argalladas manuais e comunicacións dixitais. atlanTTic e Escola de Enxeñaría de Telecomunicación.
• A información voa á velocidade da luz. VQCC Vigo Quantum Communication Center-atlanTTic.
• Monitorización de aves mariñas. Grupo de Tecnoloxías da Información (GTI).
• Da terra ao espazo pasando pola lúa. Grupo de Tecnoloxías Aeroespaciais (GTA).

Consulta o programa de actividades desta edición na web gnight.gal.