No marco do proxecto Autonomous 5G Edge Infrastructure, enmarcado no Plan de Recuperación, Transformación e Resiliencia e financiado con fondos NextGenerationEU, impulsado pola empersa Optare e o centro atlanTTic, celébrase o hackathon “Tecnoloxías de Virtualización Lixeiras – WebAssembly”. O obxectivo é mostrar algunhas das tecnoloxías actuais de virtualización de aplicacións, así como as novas tendencias para as contornas de computación Edge. En concreto, a tecnoloxía WebAssembly abordarase como unha técnica de virtualización lixeira para as contornas Edge.
O Hackathon está organizado por Optare Solutions en colaboración coa Universidade de Vigo. Inclúe un reto que terá os seguintes premios:
• O primeiro e mellor proxecto recibirá 400 €
• O segundo mellor proxecto recibirá 200 €
• O terceiro mellor proxecto recibirá 100 €
O evento terá lugar na aula T108 da E.E. de Telecomunicación e está aberto a estudantes do grao e mestrado. É necesaria inscrición previa, ata o día 9 de abril nesta ligazón.