O Museo de Pontevedra acolle o debate ‘A desinformación baixo o foco‘, inserido nas actividades organizadas pola Unidade de Cultura Científica e da Innovación (UCC+i) da Universidade de Vigo, a raíz da celebración, o pasado 17 de maio, do Día Mundial das Telecomunicacións e da Sociedade da Información.

Moderado polo xornalista Xabier Fortes, neste debate participarán investigadores e investigadoras da UVigo como José Rúas Araújo e Iván Puentes, da Facultade de Comunicación; Guillermo Blanco González, da Escola Superior de Enxeñaría Informática; Silvia García Méndez e Francisco de Arriba Pérez, investigadores de atlanTTic e docentes da E.E. de Telecomunicación, e Iria Veiga Ramos, médica psiquiatra e divulgadora.

Con entrada libre ata completar a capacidada sala, esta iniciativa forman parte do Plan de Ciencia de Ida e Volta da UCC+i, que conta co financiamento da Fundación Española para a Ciencia e a Tecnoloxía (FECYT) – Ministerio de Ciencia, Innovación y Universidades.