Alberto Gil Solla é Enxeñeiro de Telecomunicación (1991) e Doutor Enxeñeiro de Telecomunicación (2000) pola Universidade de Vigo. Actualmente é catedrático na Universidade de Vigo, impartindo a súa docencia no Grao de Enxeñería de Telecomunicación. No aspecto investigador forma parte do grupo Servizos para a Sociedade da Información, pertencente ao Departamento de Enxeñería Telemática da Universidade de Vigo. Actualmente as liñas de investigación nas que mostra maior interese enmárcanse no ámbito dos sistemas intelixentes para a personalización de aplicacións e a recomendación automática de contidos, empregando razoamento e inferencia semántica baseada no modelado de dominio e usuarios, utilizando ontoloxías e información extraída de redes sociais.