Deseñar hoxe as comunicacións do futuro e dar resposta ás necesidades da sociedade é a razón de ser de atlanTTic, o Centro de Investigación en Tecnoloxías de Telecomunicación da Universidade de Vigo. Con máis de 170 profesionais, laboratorios e instalacións referentes a nivel internacional, centramos a nosa actividade en tres áreas de investigación: comunicacións, servicios dixitais e ciberseguridade.
O noso principal obxectivo é investigar, atraer talento, xerar coñecemento de alto valor engadido e transferilo ao tecido produtivo. Participamos e lideramos proxectos de investigación europeos e colaboramos con socios tecnolóxicos nacionais e internacionais.