Spin-Offs

Empresa especializada no procesamiento dixital da imaxe que aplica algoritmos de intelixencia artificial para extraer información útil para os negocios. Ofrecen diferentes solucións, como unha medición fiable dos hábitos dos seus clientes mediante o seu software de medición de audiencia automático que realiza o reconto de persoas, a atención, a emoción e a estimación demográfica.

SPARC é o acrónimo de III-V Semiconductor Foundry and Advanced Photonics Research Center, a primeira foundry con participación da UVigo orientada ao desenvolvemento e fabricación de produtos fotónicos que conteñan chips de semiconductores III-V para terceiros, con estimación do inicio da súa actividade no 2025.

Empresa de base tecnolóxica especializada en actividades de enxeñaría relacionadas con compatibilidade electromagnética (EMC), interferencia (EMI) e niveis de radiación (RADHAZ).

A compañía desenvolve solucións de software, firmware e electrónica de vangarda para a industria, con énfase en visión por computador, intelixencia artificial, optimización e automatización.

Empresa adicada á comercialización de servizos de avaliación de risco, individualizado e/ou poboacional, cardiovascular, metabólico e renal, así como a identificación precoz de complicacións hipertensivas en embarazo, a través dun software propio a partir de parámetros prognósticos derivados da medida ambulatoria da presión arterial (MAPA).

Alén Space pon ao alcance os servizos de nanosatélites con solucións integrais que abarcan a consultoría, deseño, fabricación e operación de pequenos satélites.

O seu equipo, con máis dunha década de experiencia no desenvolvemento de tecnoloxía espacial, foron pioneiros do New Space, lanzando ao espazo o primeiro nanosatélite español en 2012. En xuño de 2023, a compañía intégrase no conxunto de sociedades de GMV.

Esta tecnoloxía habilita novos modelos de negocio para aplicacións profesionais e de usuario. Trátase dunha tecnoloxía que permite interactuar, a través de pantallas e periféricos de sobremesa, con aplicacións de usuario residentes en teléfonos móbiles persoais.