Doutora Enxeñeira de Telecomunicación desde 1996 (Universidade de Vigo). En 1991, uniuse ao Departamento de Teoría do Sinal e Comunicacións da Universidade de Vigo, como profesora asociada, e é Titular de Universidade desde 1997. Impartiu docencia en diferentes materias relacionadas con electromagnetismo aplicado e as ondas de radio (Transmisión Electromagnética, Antenas, Radioenlaces Terreais e Vía Satélite…). Participou e dirixiu proxectos de investigación sobre deseño de antenas para diferentes aplicacións e en distintas bandas de frecuencia ou o desenvolvemento de ferramentas de análise electromagnética para a solución de problemas de enxeñería. O seu actual interese céntrase na polarimetría, as antenas de varrido electrónico e as antenas multihaz.