Este proxecto permitirá desenvolver antenas para os vehículos de exploración non tripulados, máis coñecidos como ‘rovers’ pola súa denominación en inglés, que serán empregados na exploración do interior das covas e túneles da Lúa. O seu propósito é proporcionar un enlace de comunicacións estable de alta velocidade para que estes rovers se comuniquen dentro das covas e poidan enviar información do seu interior.
A Universidade de Oviedo lidera este proxecto en colaboración con atlanTTic e o Grupo Eosol.