Proxectos

O proxecto MedPer_DC céntrase na detección precoz do deterioro cognitivo e participan once equipos de investigación de España, coordinados polo Instituto de Investigación Biomédica de Salamanca. O seu obxectivo é a integración de datos clínicos, moleculares, proteómicos, xenómicos, de coidados sociais, ambientais e de comportamento mediante técnicas avanzadas de intelixencia artificial para o procesamento e análise de datos. A idea é xerar modelos preditivos para a detección preclínica do deterioro cognitivo nunha poboación diana de persoas de 55 a 70 anos recrutadas en sete centros de saúde de seis comunidades autónomas. Desde atlanTTic, trabállase no deseño de algoritmos de intelixencia artificial para a detección do deterioro cognitivo leve baseados no procesamento da voz, por exemplo, a través de aspectos acústicos e lingüísticos.