O Centro de Investigación atlanTTic e o Programa de Doutoramento Internacional DocTIC da Universidade de Vigo organizan o curso “Investigación doutoral e Intelixencia Artificial”, dirixido ao persoal investigador do centro e ao alumnado de DocTIC.
📅 Datas e horarios: 21/10/2025 – de 11:00 a 13:00 h
👩🏫 Imparte: David Carabantes Alarcón
📍 Modalidade: Presencial no Salón de Graos da Escola de Enxeñaría de Telecomunicación
🗣️ Idioma: Español
Obxectivos do curso: Ofrecer ás persoas participantes coñecementos esenciais e habilidades no uso de ferramentas e plataformas de Intelixencia Artificial aplicadas á investigación doutoral. Promover o uso responsable da tecnoloxía e a aplicación ética da IA no Doutoramento.
Sobre o poñente: David Carabantes Alarcón é profesor titular de universidade no Departamento de Saúde Pública e Materno-Infantil da Universidade Complutense de Madrid (UCM), e membro do grupo de investigación en epidemioloxía das enfermidades crónicas de alta prevalencia en España. Na actualidade é Delegado do Reitor. É especialista universitario en Xestión da Investigación e da Transferencia de Coñecemento e Coordinador Xestor do Campus Virtual da UCM. Conta cunha ampla experiencia no ámbito da intelixencia artificial (IA), como se recolle en varios dos artigos que publicou. Participa en distintos eventos, cursos de formación para o profesorado e para investigadores de doutoramento, así como en proxectos de innovación sobre esta temática.