Este libro ofrece unha proposta innovadora para desenvolver proxectos de Design Thinking utilizando os taboleiros colaborativos en liña de MIRO. Dirixido especialmente a formadores, consultores e orientadores, nel atoparás unha guía práctica apoiada en modelos visuais que facilitan cada etapa do proceso.
A través do uso de metáforas e simbolismos, amósase como dirixir á acción ó verdadeiramente significativo de cada etapa, destacando os conceptos clave e evitando desviacións. Esta obra non só che amosará como aplicar o Design Thinking na práctica, senón que che axudará a facelo de forma controlada, estruturada e orientada ao éxito.
O vindeiro mes de xullo, na Universidade de Vigo, celebraremos unha xornada de presentación do libro na que contaremos coa presenza dos seus editores, Manuel Caeiro Rodríguez, da Universidade de Vigo, e Gustavo Zurita Alarcón, da Universidad de Chile.
- Data: luns 7 de xullo de 2025
- Hora: 15:00 horas
- Lugar: Espazo INCUVI, Campus de Vigo, Universidade de Vigo, ou online
O evento será conducido por Maruxa Álvarez Jiménez, directora da Unidade de Emprego e Emprendemento da UVigo. Durante a presentación, haberá coffee-break e poderás conversar cos autores.
Podes asistir de maneira presencial ou seguir o evento en liña a través da seguinte ligazón: https://us02web.zoom.us/j/89042065332?pwd=r0lfliUfVqmjlaXUap9dyuCHG6Wskt
Para calquera consulta ou información adicional, podes contactar con: mcaeiro@det.uvigo.es.
