Marcos Curty obtivo o título de Enxeñeiro de Telecomunicación en 1999, e o título de Doutor en Enxeñería de Telecomunicación en 2004 pola Universidade de Vigo. Durante a realización dos seus estudos de doutoramento en Enxeñería de Telecomunicación, en 2001 incorporouse ao Quantum Information Theory Group da Universidade Friedrich-Alexander Erlangen-Nüremberg (Alemaña), onde realizou un doutoramento en Física teórica (2006). Tras as súas estadías posdoutorais na Toronto University (Canada), e no Institute for Quantum Computing, na Waterloo Unversity (Canada),  foi  profesor axudante no departamento de Enxeñaría Electrónica e Comunicacións da Universidade de Zaragoza (España). Actualmente é Catedrático no departamento de Teoría do Sinal e Comunicacións da Universidade de Vigo. As súa investigación está centrada na comunicación cuántica, particularmente na criptografía cuántica. É autor de máis de 100 publicacións científicas neste campo e dunhas cantas patentes. Desde o ano 2022, coordina a rede doutoral europea MSCA Quantum-Safe Internet.