Doutora en Enxeñaría de Telecomunicacións pola Universidade de Vigo (2002) e Catedrática da área de Enxeñería Telemática da Universidade de Vigo, impartindo docencia no Grao de Tecnoloxías das Telecomunicación, Máster de Enxeñaría de Telecomunicación e Máster Interuniversitario en Ciberseguridade. Así mesmo forma parte do Programa DOCTIC da Escola Internacional de Doutoramento da Universidade de Vigo, dirixindo ata o momento 6 tese doutoral e titorizando actualmente 8 traballos en curso. Actualmente, as súa actividade investigadora focalízase na aplicación de técnicas de análises de datos e aprendizaxe máquina, minería de datos e provisión de intelixencia social en distintos ámbitos de aplicación. Ao longo da súa carreira investigadora participou en 10 proxectos internacionais e ao redor de 20 proxectos nacionais en convocatorias competitivas, difundindo os seus resultados en mais de 40 revistas indexadas e 100 comunicacións un congresos.