Eduardo Rodríguez Banga obtivo o título de Enxeñeiro de Telecomunicación en 1990, e o de Doutor Enxeñeiro de Telecomunicación en 1996, ambos na Universidade de Vigo. Foi profesor na Escola de Enxeñería de Telecomunicación desde o ano 1991, primeiro como profesor Asociado e desde 1997 como profesor Titular. A súa investigación estivo fundamentalmente relacionada co procesado de sinal, moi especialmente co procesado de sinais de voz. Os seus traballos de investigación máis recentes están relacionados coas técnicas de sínteses de voz e coa tradución automática estatística. Foi investigador principal en varios proxectos do ámbito nacional e dirixiu tres teses doutorais. Os resultados da súa investigación foron publicados en prestixiosas revistas e congresos internacionais.