COPERIA está dirixido ao desenvolvemento e validación clínica dunha plataforma multidisciplinar e integral baseada na intelixencia artificial para o diagnóstico, empoderamento, rehabilitación holística e personalizada, así como a xestión clínica de pacientes afectados por COVID persistente.
O equipo de atlanTTic participa co desenvolvemento de algoritmos de IA que permitan a explotación dos datos que se recollerán dos pacientes dos diferentes estudos, principalmente os seus datos clínicos, arquivos de voz, variabilidade cardíaca e condutancia dérmica. Elaborarase unha base de datos que albergará toda a información necesaria para o uso destes algoritmos e que permitirá ao persoal investigador o acceso directo aos datos que precisen.
O consorcio do proxecto complétase con Bahía Software S.L.U. , 10 METS S.L., imaxin|software e a Fundación Biomédica Galicia Sur.