QSI é unha rede de doutoramento MSCA-DN que ten como obxectivo capacitar a unha cohorte de investigadores doutorais para dar os seguintes pasos esenciais na área da ciberseguridade. A través do desenvolvemento de tecnoloxías novas na investigación de esquemas criptográficos cuánticos para redes cuánticas e a distribución de claves cuánticas con seguridade e prestacións melloradas, prevese alcanzar aplicacións prácticas para garantir a seguridade dos datos.
Paralelamente, cun enfoque interdisciplinario colaborativo a longo prazo, combinarase a experiencia en todas as comunidades relevantes para abordar os problemas fundamentais nas comunicacións seguras na era cuántica e as aplicacións importantes nela.
O consorcio do proxecto inclúe outras 6 universidades europeas de excelencia (Sorbonne Universite, Universita degli Studi dei Padova, Ruhr-Universitaet Bochum, Universiteit Van Amsterdam, Technische Universiteit Eindhoven, Danmarks Tekniske Universitet), distribuídas en 5 países.