https://6gterafit.av.it.pt/index.html
6G-TERAFIT investigará os límites de rendemento teórico da información e os principios concretos de deseño para a interface de radio (forma de onda e modulación), tendo en conta as características das canles das bandas THz (alta direccionalidade, elevada perda de traxecto, limitacións do hardware, etc.) e diversas restricións (distancia, hardware, eficiencia enerxética e tamaño), así como mecanismos eficientes de control de erros (codificación e retransmisión).
O deseño dun acceso ubicuo con taxas moi elevadas en contornas de redes móbiles e heteroxéneas (HetNet) é clave para o desenvolvemento das futuras redes móbiles. Por iso, o obxectivo de 6G-TERAFIT é crear a transferencia de coñecemento entre o persoal investigador/ enxeñaría que contribuirá ao deseño e á implementación das futuras redes ultrarrápidas B5G, así como establecer as bases para que poidan converterse en potenciais líderes nos ámbitos científicos, tecnolóxicos e industriais resultantes.