Marcos Arias Acuña é Enxeñeiro de Telecomunicación e Doutor Enxeñeiro de Telecomunicación pola Universidade de Vigo en 1991 e 1997, respectivamente. É Profesor Titular desde 1998 polo Departamento de Teoría do Sinal e Comunicacións, con docencia en radio comunicacións desde 1992. Traballou en proxectos relacionados con antenas para comunicacións por satélite e radioastronomía e sistemas de comunicación como DVB-T, LMDS, e UMTS. A súa investigación inclúe as seguintes áreas: antenas reflectoras, alimentadores (arrays ou bocinas) para antenas reflectoras, reflectores conformados; sistemas de comunicacións; técnicas de alta frecuencia para modelado de problemas electromagnéticos; enxeñaría de sistemas.