Pedro Comesaña Alfaro (Profesor Titular de Universidade, 2012) é Enxeñeiro de Telecomunicación coas especialidades de Telemática e Comunicacións, Licenciado en Ciencias Matemáticas coa especialidade de Estatística e Investigación Operativa, e Doutor en Enxeñería de Telecomunicación. Recibiu o Premio Extraordinario Fin de Carrera (2002) e o Premio Extraordinario de Doutoramento (2006) da Universidade de Vigo, así como o Premio do COIT á Mellor Tese de Doutoramento en Seguridade e Defensa (2006). A súa investigación céntrase nas áreas de seguridade multimedia (incluíndo watermarking e forensía multimedia) e comunicacións dixitais. Realizou estadías de investigación na Technische Universiteit Eindhoven, University College Dublin, Università degli Studi dei Siena, e University of New Mexico. Pedro Comesaña é autor de máis de 50 artigos en revistas e conferencias internacionais, e ostenta varias patentes internacionais. Foi galardoado co Best Paper Award do IEEE WIFS 2014 (Atlanta, EEUU), e o Best Paper Award do IWDW 2011 (Atlantic City, EEUU). Ademais, participou nos proxectos europeos ECRYPT, REWIND e NIFTy. Pedro é Senior Member do IEEE, editor asociado do IET Information Forensics (desde 2012), membro do IEEE SPS Information Forensics and Security Technical Committee (IEEE SPS IFS-TC) e do IEEE SPS Student Services Committee. Ademais, é Technical co-Chair do ACM IH& MMSec 2015 e Area Chair do IEEE ICIP 2015.