Completa os seus estudos de Enxeñaría Superior en Telecomunicacións en febreiro de 1999. Durante case dous anos traballa en Telefónica I+D e regresa, en outubro de 2000, á Universidade de Vigo integrándose no grupo de investigación COM do Departamento de Teoría do Sinal e Comunicacións (TSC). En outubro de 2002 obtén o Diploma de Estudos Avanzados (DEA) no subprograma Sistemas Avanzados de Telecomunicación. Defende a súa Tese Doutoral en 2006 obtendo a calificación de Sobresaínte Cum Laude. Foi seleccionada no Plan Especial de Promoción de Persoal Docente e Investigador da UVigo 2010/2011 e posúe a acreditación da ANECA ao Corpo de Titulares de Universidade desde 14/02/2011. Desde xuño de 2012 é Profesora Titular da Universidade de Vigo.
A súa actividade investigadora desenvólvese, entre outras, en dúas liñas: métodos eficientes para l simulación de problemas electromagnéticos e sistemas/medidas radar, IR e de guerra electrónica. A primera delas, na que se enmarca a súa Tese Doutoral, está centrada no campo do electromagnetismo computacional, desenvolvendo métodos e técnicas rigurosas e eficientes para a análise e deseño de todo tipo de estruturas. A segunda liña de investigación enmárcase no ámbito do radar e as súas aplicacións, concretamente na predicción, reducción e medida da sección equivalente radar (RCS), perfís de alta resolución (HRR), obtención de imaxes radar (ISAR), firma radar e firma infravermella (IR) no ámbito da Defensa.
Principais logros: participación en máis de 100 proxectos e contratos de I+D (en 20 deles como Investigadora Principal), autora de varios artigos publicados en revistas JCR e contribucións a congresos, conta con 3 sexenios de investigación, 1 sexenio de transferencia e 1 Tese Doutoral dirixida, ademais de numerosos PFC/TFG/TFM dirixidos.
Nos últimos anos compatibiliza a actividad docente e investigadora coa xestión académica. Foi coordinadora do Módulo de Formación Básica durante dous cursos académicos, coordinadora de 20 asignaturas en distintas titulacións da Escola de Enxeñaría de Telecomunicación, Secretaria do Departamento de TSC desde xullo de 2013 asa setembro de 2017, Directora de departamento desde setembro de 2017 ata novembrode 2023 e desde entón Subdirectora de departamento.