Enxeñeiro de telecomunicación na especialidade de Telemática desde o ano 2001 e Doutor enxeñeiro de telecomunicación desde o ano 2010, ambos pola Universidade de Vigo. Desde xuño do 2001 ata febreiro de 2012 ocupei diferentes postos de profesor no Departamento de Enxeñería Telemática da Escola de Enxeñería de Telecomunicación de Vigo (profesor invitado, profesor asociado, profesor axudante, profesor contratado doutor interino ). Actualmente son titular de universidade. O meu tema principal de investigación dos últimos anos foi a aplicación de tecnoloxías do ámbito da web, a intelixencia artificial, a semántica, e os recomendadores sociais, en maior medida a temas relacionados coa aprendizaxe electrónica. Participei nun número considerable de proxectos de investigación (tanto de convocatorias públicas como privadas), no ámbito autonómico, nacional, e internacional. Son autor de varios artigos publicados en revistas indexadas no JCR-ISI e en cantidade de congresos internacionais. Ademais, publiquei libros relacionados coa docencia que fun impartindo ao longo destes anos como profesor.